kyun andheron ka musafir hai muqaddar apna
kyuuñ añdheroñ kā musāfir hai muqaddar apnā
koī sūraj to nikāle ye samundar apnā
zulmat-e-shab meñ jalā.e hue ashkoñ ke charāġh
ishq kī raah meñ ḳhud ishq hai rahbar apnā
kyā lagā.egā koī merī anā kī qīmat
donoñ aalam se girāñ-tar hai ye jauhar apnā
koī chehra to kahīñ ho tire chehre kī tarah
shahr-e-ḳhūbāñ meñ nahīñ ek bhī manzar apnā
dil meñ raushan hai tirā dard zamāne se nihāñ
kyā sadaf ne bhī dikhāyā kabhī gauhar apnā
us ke lab-ḳhand meñ Dhal jaa.e ḳhizāñ kā mausam
us ko gulnār kareñ zaḳhm dikhā kar apnā
anjuman gosh-bar-āvāz hai 'rif.at' dekheñ
kis ke siine meñ utartā hai ye nashtar apnā
kyun andheron ka musafir hai muqaddar apna
koi suraj to nikale ye samundar apna
zulmat-e-shab mein jalae hue ashkon ke charagh
ishq ki rah mein KHud ishq hai rahbar apna
kya lagaega koi meri ana ki qimat
donon aalam se giran-tar hai ye jauhar apna
koi chehra to kahin ho tere chehre ki tarah
shahr-e-KHuban mein nahin ek bhi manzar apna
dil mein raushan hai tera dard zamane se nihan
kya sadaf ne bhi dikhaya kabhi gauhar apna
us ke lab-KHand mein Dhal jae KHizan ka mausam
us ko gulnar karen zaKHm dikha kar apna
anjuman gosh-bar-awaz hai 'rifat' dekhen
kis ke sine mein utarta hai ye nashtar apna
Source:
Rooh-e-Ghazal,Pachas Sala Intekhab (Pg. 642)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
