kyun hai kah aaina is darja tu hairan mujhse

kyuuñ hai kah ā.īna is darja tū hairāñ mujh se

apnī rūdād ko mat kījiyo pinhāñ mujh se

huuñ havā-ḳhvāh maiñ ai gul tirā jiyūñ mauj-e-nasīm

ġhuncha-sāñ kab hai girah kā tire nuqsāñ mujh se

chashm-e-mast us kī ne dil toḌ ke pherī hai nazar

ki na māñge kahīñ is shīsha kā tāvāñ mujh se

tiir ne ḳhvāb meñ hamdard jo paayā apnā

dard-e-dil kahne lagā ho ke vo giryāñ mujh se

ram kā hirnoñ ke bagūle kī bhī betābī kā

raaz sab vaaz kiyā phaaḌ garebāñ mujh se

garm rakhtā thā kahā madrasa jab vaadī kā

ilm-e-vahshat kiye tahsīl ġhazālāñ mujh se

sar par ab ḳhaak uḌātā huā phirtā huuñ 'ishq'

saaf dekhā to na thī ḳhātir-e-yārāñ mujh se

kyun hai kah aaina is darja tu hairan mujh se

apni rudad ko mat kijiyo pinhan mujh se

hun hawa-KHwah main ai gul tera jiyun mauj-e-nasim

ghuncha-san kab hai girah ka tere nuqsan mujh se

chashm-e-mast us ki ne dil toD ke pheri hai nazar

ki na mange kahin is shisha ka tawan mujh se

tir ne KHwab mein hamdard jo paya apna

dard-e-dil kahne laga ho ke wo giryan mujh se

ram ka hirnon ke bagule ki bhi betabi ka

raaz sab waz kiya phaD gareban mujh se

garm rakhta tha kaha madrasa jab wadi ka

ilm-e-wahshat kiye tahsil ghazalan mujh se

sar par ab KHak uData hua phirta hun 'ishq'

saf dekha to na thi KHatir-e-yaran mujh se