kyun hamein maut ke paigham diye jate hain

Shamim Jaipuri

kyun hamein maut ke paigham diye jate hain

Shamim Jaipuri

MORE BYShamim Jaipuri

    kyuuñ hameñ maut ke paiġhām diye jaate haiñ

    ye sazā kam to nahīñ hai ke jiye jaate haiñ

    ham haiñ ek sham.a magar dekh ke bujhte bujhte

    raushnī kitne añdheroñ ko diye jaate haiñ

    nashsha donoñ meñ hai saaqī mujhe ġham de ke sharāb

    mai bhī jaatī hai aañsū bhī piye jaate haiñ

    un ke qadmoñ pe na rakh sar ke hai ye be-adabī

    pā-e-nāzuk to sar-āñkhoñ pe liye jaate haiñ

    tujh ko barsoñ se hai kyuuñ tark-e-ta.alluq ḳhayāl

    faisle vo haiñ jo pal-bhar meñ liye jaate haiñ

    apnī tārīḳh-e-mohabbat ke vahī haiñ suqrāt

    hañs ke har saañs pe jo zahr piye jaate haiñ

    ābgīnoñ tarah dil haiñ ġharīboñ ke 'shamīm'

    TuuT jaate haiñ kabhī toḌ diye jaate haiñ

    kyun hamein maut ke paigham diye jate hain

    ye saza kam to nahin hai ke jiye jate hain

    hum hain ek shama magar dekh ke bujhte bujhte

    raushni kitne andheron ko diye jate hain

    nashsha donon mein hai saqi mujhe gham de ke sharab

    mai bhi pi jati hai aansu bhi piye jate hain

    un ke qadmon pe na rakh sar ke hai ye be-adabi

    pa-e-nazuk to sar-ankhon pe liye jate hain

    tujh ko barson se hai kyun tark-e-talluq ka KHayal

    faisle wo hain jo pal-bhar mein liye jate hain

    apni tariKH-e-mohabbat ke wahi hain suqraat

    hans ke har sans pe jo zahr piye jate hain

    aabginon ki tarah dil hain gharibon ke 'shamim'

    TuT jate hain kabhi toD diye jate hain

    Videos
    This video is playing from YouTube

    Videos
    This video is playing from YouTube

    Shamim Jaipuri

    Shamim Jaipuri

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY