kyun karte ho etibar mera

kyuuñ karte ho e'tibār merā

ma.alūm hai tum ko pyaar merā

ye ḳhair hai aaj kuchh to kahiye

kyuuñ zikr hai baar baar merā

ik baat meñ faisla hai tum se

ranjīda hai dil hazār merā

terā nahīñ e'tibār mujh ko

tū bhī na kar e'tibār merā

shāyad ki na ho tum apne bas ke

dil par to hai iḳhtiyār merā

mujh ko na ho rashk ġhair-mumkin

tū aur ho dost-dār merā

kuchh samjhe hue haiñ apne dil meñ

sunte nahīñ hāl-e-zār merā

vo haa.e bigaḌ ke us kā jaanā

ronā vahīñ zār-zār merā

kal tak to 'nizām' ye na thā haal

dil aaj hai be-qarār merā

kyun karte ho e'tibar mera

malum hai tum ko pyar mera

ye KHair hai aaj kuchh to kahiye

kyun zikr hai bar bar mera

ek baat mein faisla hai tum se

ranjida hai dil hazar mera

tera nahin e'tibar mujh ko

tu bhi na kar e'tibar mera

shayad ki na ho tum apne bas ke

dil par to hai iKHtiyar mera

mujh ko na ho rashk ghair-mumkin

tu aur ho dost-dar mera

kuchh samjhe hue hain apne dil mein

sunte nahin haal-e-zar mera

wo hae bigaD ke us ka jaana

rona wahin zar-zar mera

kal tak to 'nizam' ye na tha haal

dil aaj hai be-qarar mera