kyun KHafa tu hai kya kaha maine

kyuuñ ḳhafā tū hai kyā kahā maiñ ne

mar kahā tū ne marhabā maiñ ne

kyuuñ surāhī-e-mai ko de paTkā

tū ne toḌā yā bevafā maiñ ne

nā-tavānī meñ ye tavānā.ī

dil ko tujh se uThā diyā maiñ ne

de ke ye tujh ko ye liyā ki diyā

gauhar-e-be-bahā liyā maiñ ne

kyuuñ ḳhum-e-mai ko mohtasib toḌā

kyā kiyā maiñ ne kyā kiyā maiñ ne

kyuuñ na ruk ruk ke aa.e dam merā

tujh ko dekhā rukā rukā maiñ ne

gul hazāroñ meñ sham.a-e-aish 'ehsāñ'

jaise us gul ko dil diyā maiñ ne

kyun KHafa tu hai kya kaha main ne

mar kaha tu ne marhaba main ne

kyun surahi-e-mai ko de paTka

tu ne toDa ya bewafa main ne

na-tawani mein ye tawanai

dil ko tujh se uTha diya main ne

de ke ye tujh ko ye liya ki diya

gauhar-e-be-baha liya main ne

kyun KHum-e-mai ko mohtasib toDa

kya kiya main ne kya kiya main ne

kyun na ruk ruk ke aae dam mera

tujh ko dekha ruka ruka main ne

gul hazaron mein shama-e-aish 'ehsan'

jaise us gul ko dil diya main ne