kyun kisi rah-rau se puchhun apni manzil ka pata

Arzoo Lakhnavi

kyun kisi rah-rau se puchhun apni manzil ka pata

Arzoo Lakhnavi

MORE BYArzoo Lakhnavi

    kyuuñ kisī rah-rau se pūchhūñ apnī manzil patā

    mauj-e-dariyā ḳhud lagā letī hai sāhil patā

    hai nishān-e-laila-e-maqsūd mahmil patā

    dilrubā haath aa gayā paayā jahāñ dil patā

    rāh-e-ulfat meñ samajh lo dil ko gūñgā rahnumā

    saath hai aur de nahīñ saktā hai manzil patā

    kahtā hai nāseh ki vāpas jaao aur maiñ sāda-lauh

    pūchhtā huuñ ḳhud usī se kū-e-qātil patā

    rāhbar rahzan na ban jaa.e kahīñ is soch meñ

    chup khaḌā huuñ bhuul kar raste meñ manzil patā

    aa.ī ik āvāz-e-tīr aur niklī dil se uf

    phir na qātil nishāñ paayā na bismil patā

    bāñkī-chitvan vaale mahshar meñ hazāroñ haiñ to hoñ

    mil jā.egā kisī sūrat se qātil patā

    us jagah bismil ne dam toḌā jahāñ ḳhaak thī

    yuuñ lagāte haiñ lagāne vaale manzil patā

    pūchhne vaale ne ye pūchhā ki kyuuñ be-dil ho kyuuñ

    aur mujh ko mil gayā kho.e hue dil patā

    maujeñ Takrā.ī huiiñ dushman bhī niklīñ dost bhī

    pīchhe kashtī ko Dhakelā de ke sāhil patā

    rah gayā hai TuuT kar zaḳhm-e-jigar meñ tīr-e-nāz

    ab lagā lenā nahīñ dushvār qātil patā

    soḳhta parvāne kushta sham.a farsh-e-dāġhdār

    de rahe haiñ raat garmi-e-mahfil patā

    maiñ vafā-kesh 'ārzū' aur vo vafā-nā-āshnā

    paḌ gayā mushkil meñ kar apnī mushkil patā

    kyun kisi rah-rau se puchhun apni manzil ka pata

    mauj-e-dariya KHud laga leti hai sahil ka pata

    hai nishan-e-laila-e-maqsud mahmil ka pata

    dilruba hath aa gaya paya jahan dil ka pata

    rah-e-ulfat mein samajh lo dil ko gunga rahnuma

    sath hai aur de nahin sakta hai manzil ka pata

    kahta hai naseh ki wapas jao aur main sada-lauh

    puchhta hun KHud usi se ku-e-qatil ka pata

    rahbar rahzan na ban jae kahin is soch mein

    chup khaDa hun bhul kar raste mein manzil ka pata

    aai ek aawaz-e-tir aur nikli dil se uf

    phir na qatil ka nishan paya na bismil ka pata

    banki-chitwan wale mahshar mein hazaron hain to hon

    mil hi jaega kisi surat se qatil ka pata

    us jagah bismil ne dam toDa jahan ki KHak thi

    yun lagate hain lagane wale manzil ka pata

    puchhne wale ne ye puchha ki kyun be-dil ho kyun

    aur mujh ko mil gaya khoe hue dil ka pata

    maujen Takrai huin dushman bhi niklin dost bhi

    pichhe kashti ko Dhakela de ke sahil ka pata

    rah gaya hai TuT kar zaKHm-e-jigar mein tir-e-naz

    ab laga lena nahin dushwar qatil ka pata

    soKHta parwane kushta shama farsh-e-daghdar

    de rahe hain raat ki garmi-e-mahfil ka pata

    main wafa-kesh 'arzu' aur wo wafa-na-ashna

    paD gaya mushkil mein pa kar apni mushkil ka pata

    RECITATIONS

    Arzoo Lakhnavi

    Arzoo Lakhnavi

    Arzoo Lakhnavi

    kyun kisi rah-rau se puchhun apni manzil ka pata Arzoo Lakhnavi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY