kyun na hum soch ke sanche mein hi Dhal kar dekhen

kyuuñ na ham soch ke sāñche meñ hī Dhal kar dekheñ

vo jo qaa.em hai to phir ḳhud ko badal kar dekheñ

go masāfat hai kaThin aur na rasta koī

lekin is haal meñ achchhā hai ki chal kar dekheñ

ham mohabbat ko mukammal nahīñ zāhir karte

vo hinā-barg ko chuTkī meñ masal kar dekheñ

zindagī maut meñ maḳhfī hai yaqīnan apnī

misl-e-parvāna chalo ham bhī to jal kar dekheñ

ek koshish jo hai us kī use anjām to deñ

is kī ḳhvāhish pe zarā der ko Tal kar dekheñ

'sād' logoñ se tavaqqo' ho to kis baat pe ho

muuñg chhātī pe mire roz vo dil kar dekheñ

kyun na hum soch ke sanche mein hi Dhal kar dekhen

wo jo qaem hai to phir KHud ko badal kar dekhen

go masafat hai kaThin aur na rasta koi

lekin is haal mein achchha hai ki chal kar dekhen

hum mohabbat ko mukammal nahin zahir karte

wo hina-barg ko chuTki mein masal kar dekhen

zindagi maut mein maKHfi hai yaqinan apni

misl-e-parwana chalo hum bhi to jal kar dekhen

ek koshish jo hai us ki use anjam to den

is ki KHwahish pe zara der ko Tal kar dekhen

'sad' logon se tawaqqo' ho to kis baat pe ho

mung chhati pe mere roz wo dil kar dekhen