kyun na ho chashm-e-butan mahw-e-taghaful kyun na ho

kyuuñ na ho chashm-e-butāñ mahv-e-taġhāful kyuuñ na ho

yā'nī us bīmār ko nazzāre se parhez hai

marte marte dekhne kī aarzū rah jā.egī

vaa.e nā-kāmī ki us kāfir kā ḳhanjar tez hai

'āriz-e-gul dekh rū-e-yār yaad aayā 'asad'

joshish-e-fasl-e-bahārī ishtiyāq-añgez hai

dil sarāpā vaqf-e-saudā-e-nigāh-e-tez hai

ye zamīñ misl-e-nīstāñ saḳht nāvak-ḳhez hai

ho sake kyā ḳhaak dast-o-bāzū-e-farhād se

besitūñ ḳhvāb-e-girān-e-ḳhusrav-e-parvez hai

un sitam-keshoñ ke khaa.e haiñ zi-bas tīr-e-nigāh

parda-e-bādām yak ġhirbāl-e-hasrat-bez hai

ḳhūñ-chakāñ hai jaada mānind-e-rag-e-saudā.iyāñ

sabza-e-sahrā-e-ulfat nashtar-e-ḳhūñ-rez hai

hai bahār-e-tez-rau gulgūn-e-nik.hat par savār

yak- shikast-e-rañg-e-gul sad-jumbish-e-mahmez hai

kyun na ho chashm-e-butan mahw-e-taghaful kyun na ho

ya'ni us bimar ko nazzare se parhez hai

marte marte dekhne ki aarzu rah jaegi

wae na-kaami ki us kafir ka KHanjar tez hai

'ariz-e-gul dekh ru-e-yar yaad aaya 'asad'

joshish-e-fasl-e-bahaari ishtiyaq-angez hai

dil sarapa waqf-e-sauda-e-nigah-e-tez hai

ye zamin misl-e-nistan saKHt nawak-KHez hai

ho sake kya KHak dast-o-bazu-e-farhad se

besitun KHwab-e-giran-e-KHusraw-e-parwez hai

un sitam-keshon ke khae hain zi-bas tir-e-nigah

parda-e-baadam yak ghirbaal-e-hasrat-bez hai

KHun-chakan hai jada manind-e-rag-e-saudaiyan

sabza-e-sahra-e-ulfat nashtar-e-KHun-rez hai

hai bahaar-e-tez-rau gulgun-e-nikhat par sawar

yak- shikast-e-rang-e-gul sad-jumbish-e-mahmez hai