kyun shahr mein har-samt se uThta hai dhuan dekh
Interesting Fact
1999
kyuuñ shahr meñ har-samt se uThtā hai dhuāñ dekh
kyā haal mohalle kā hai jā apnā makāñ dekh
āfāq uḌānoñ ke abhī aur bahut haiñ
ai tā.ir-e-parvāz kabhī apnā jahāñ dekh
detā nahīñ nafrat kā shajar dhuup meñ saaya
behtar hai koī sāya-e-dīvār amaañ dekh
ākāsh ye tāroñ kī ziyā dekhne vaale
agle hai zamīñ chāñd bhī sūraj bhī yahāñ dekh
lagtā hai koī tiir jigar chiir ke nikle
lachke hai sitamgar tire abrū kī kamāñ dekh
kyuuñ kahte haiñ sab mujh ko buzurg aap buzurg aap
aa tū bhī mire māthe pe sajdoñ ke nishāñ dekh
kahnā hī paḌā 'nūr' ke ash.ār ko sun kar
kyā ḳhuub hai zālim kā bhī andāz-e-bayāñ dekh
kyun shahr mein har-samt se uThta hai dhuan dekh
kya haal mohalle ka hai ja apna makan dekh
aafaq uDanon ke abhi aur bahut hain
ai tair-e-parwaz kabhi apna jahan dekh
deta nahin nafrat ka shajar dhup mein saya
behtar hai koi saya-e-diwar aman dekh
aakash ye taron ki ziya dekhne wale
agle hai zamin chand bhi suraj bhi yahan dekh
lagta hai koi tir jigar chir ke nikle
lachke hai sitamgar tere abru ki kaman dekh
kyun kahte hain sab mujh ko buzurg aap buzurg aap
aa tu bhi mere mathe pe sajdon ke nishan dekh
kahna hi paDa 'nur' ke ashaar ko sun kar
kya KHub hai zalim ka bhi andaz-e-bayan dekh
Source:
Shahar Ki Faseelon Se (Pg. 41)
- Author: Noor Muneeri
-
- Edition: 2004
- Publisher: Khan Publications
- Year of Publication: 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
