kyun shahr ujaD sa paDa tha

kyuuñ shahr ujaaḌ sā paḌā thā

kyā sar pe pahāḌ aa paḌā thā

qudrat to gavāh hai ki maidāñ

haare the ki hārnā paḌā thā

thī barf sī raat aur lashkar

be-ḳhemā o be-ridā paḌā thā

kyā bhiiḌ thī kal aur aaj dekhā

sunsān vo rāsta paḌā thā

kyuuñ ḳhemoñ kī aag bujh ga.ī thī

ye raakh se pūchhnā paḌā thā

vo shām-e-sukūt bhī ajab thī

qātil ko pukārnā paḌā thā

thā maal dukāñ meñ hasb-e-taḳhsis

tah-ḳhāna magar aTā paḌā thā

is bāb-e-rasad se rizq-e-taqdīr

le aa.e jo kuchh girā paḌā thā

apne hī mujassame ko toḌā

haath apnā ġhalat bhī kyā paḌā thā

kyun shahr ujaD sa paDa tha

kya sar pe pahaD aa paDa tha

qudrat to gawah hai ki maidan

haare the ki haarna paDa tha

thi barf si raat aur lashkar

be-KHema o be-rida paDa tha

kya bhiD thi kal aur aaj dekha

sunsan wo rasta paDa tha

kyun KHemon ki aag bujh gai thi

ye rakh se puchhna paDa tha

wo sham-e-sukut bhi ajab thi

qatil ko pukarna paDa tha

tha mal dukan mein hasb-e-taKHsis

tah-KHana magar aTa paDa tha

is bab-e-rasad se rizq-e-taqdir

le aae jo kuchh gira paDa tha

apne hi mujassame ko toDa

hath apna ghalat bhi kya paDa tha