lakh dushwar ho chalna to magar hai pyare
laakh dushvār ho chalnā to magar hai pyāre
chalte rahnā hī to jīvan kā safar hai pyāre
baiTh jaanā na siyah raat se ghabrā ke kabhī
raat ke baa'd hī tābinda sahar hai pyāre
jab kabhī tez qadam mere chale raste par
ye sadā aa.ī Thahar 'ishq nagar hai pyāre
maañ kī ḳhidmat se kabhī pahlū-tahī mat karnā
us kā har saañs tire haq meñ asar hai pyāre
bas usī kūche se sheva hai guzarnā merā
jis meñ har gaam pe ulfat kā samar hai pyāre
mulk-o-millat hī mirī soch kā mehvar hai 'rafīq'
vaqf isī raah meñ har 'ilm-o-hunar hai pyāre
lakh dushwar ho chalna to magar hai pyare
chalte rahna hi to jiwan ka safar hai pyare
baiTh jaana na siyah raat se ghabra ke kabhi
raat ke ba'd hi tabinda sahar hai pyare
jab kabhi tez qadam mere chale raste par
ye sada aai Thahar 'ishq nagar hai pyare
man ki KHidmat se kabhi pahlu-tahi mat karna
us ka har sans tere haq mein asar hai pyare
bas usi kuche se shewa hai guzarna mera
jis mein har gam pe ulfat ka samar hai pyare
mulk-o-millat hi meri soch ka mehwar hai 'rafiq'
waqf isi rah mein har 'ilm-o-hunar hai pyare
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
