lakh harbe sahi har waz ke shaitan ke pas

laakh harbe sahī har vaz' ke shaitān ke paas

Dhaal īmān kī maujūd ho insān ke paas

mulk samjho use pāmāl bajā hai ik diin

ab to bas ik yahī daulat hai musalmān ke paas

lagte hī tiir tumhārā ga.ī yuuñ jaan nikal

baiTh kar jaatī ghaḌī do ghaḌī mehmān ke paas

ādmiyyat hī to buniyād hai har ḳhūbī kī

ho na ye bhī to dharā kyā hai phir insān ke paas

sohbat yaar hai ai dil tujhe ghar baiThe nasīb

phir tirā kaam hai kyā hājib-e-darbān ke paas

ḳhvāhisheñ nafs kī karte to ho puurī lekin

is se behtar nahīñ aalā koī shaitān ke paas

ham ne dil bhar ke kuchh is tarah nikāle armāñ

ki phaTaktā nahīñ dil jā ke ab armān ke paas

mat samajhnā inheñ kam-māya ġhanī haiñ ye log

kanz-e-maḳhfī hai har ik sāhib-e-īmān ke paas

jubba-sā.ī kī bhī kuchh hogī tumhīñ ko ummīd

gāliyāñ khāte ho jā jā ke darbān ke paas

lakh harbe sahi har waz' ke shaitan ke pas

Dhaal iman ki maujud ho insan ke pas

mulk samjho use pamal baja hai ek din

ab to bas ek yahi daulat hai musalman ke pas

lagte hi tir tumhaara gai yun jaan nikal

baiTh kar jati ghaDi do ghaDi mehman ke pas

aadmiyyat hi to buniyaad hai har KHubi ki

ho na ye bhi to dhara kya hai phir insan ke pas

sohbat yar hai ai dil tujhe ghar baiThe nasib

phir tera kaam hai kya hajib-e-darban ke pas

KHwahishen nafs ki karte to ho puri lekin

is se behtar nahin aala koi shaitan ke pas

hum ne dil bhar ke kuchh is tarah nikale arman

ki phaTakta nahin dil ja ke ab arman ke pas

mat samajhna inhen kam-maya ghani hain ye log

kanz-e-maKHfi hai har ek sahib-e-iman ke pas

jubba-sai ki bhi kuchh hogi tumhin ko ummid

galiyan khate ho ja ja ke darban ke pas