lakh kahte raho bura hun main

laakh kahte raho burā huuñ maiñ

jāntā hai ḳhudā ki kyā huuñ maiñ

log jannat kī soch rakhte haiñ

maañ ke baare meñ sochtā huuñ maiñ

paak hai pyaar is qadar merā

jism ko chhoḌ kar milā huuñ maiñ

aaj phir phone aa gayā us kā

phir se sun luuñ ki be-vafā huuñ maiñ

jab koī hal nikal nahīñ saktā

sab tumheñ kyoñ batā rahā huuñ maiñ

kuchh to hai jo chhupā rahe ho tum

dard āñkhoñ se āñktā huuñ maiñ

daur-e-mushkil meñ hī sahī 'arshad'

un ko ab yaad aa gayā huuñ maiñ

lakh kahte raho bura hun main

jaanta hai KHuda ki kya hun main

log jannat ki soch rakhte hain

man ke bare mein sochta hun main

pak hai pyar is qadar mera

jism ko chhoD kar mila hun main

aaj phir phone aa gaya us ka

phir se sun lun ki be-wafa hun main

jab koi hal nikal nahin sakta

sab tumhein kyon bata raha hun main

kuchh to hai jo chhupa rahe ho tum

dard aankhon se aankta hun main

daur-e-mushkil mein hi sahi 'arshad'

un ko ab yaad aa gaya hun main