laakh sīdhā kareñ mujh ko ye zamāne vaale
baat ye hai ki mire bal nahīñ jaane vaale
dil-girafta huuñ badalte hue hālāt se maiñ
tujh se nārāz nahīñ mujh ko manāne vaale
pahre-dāroñ kā chalan aam huā hai jab se
lāpata hone lage ghar ke kamāne vaale
āḳhir ik hujra-e-be-dar hī bachegī duniyā
kyoñ samajhte nahīñ dīvār uThāne vaale
ye jo ab rīsh-o-'abāya meñ chhupe baiThe haiñ
haa.e kyā log the ye pīne-pilāne vaale
be-sabab milne kī fursat hī nahīñ miltī hai
kaam se milte haiñ ab yaar purāne vaale
lakh sidha karen mujh ko ye zamane wale
baat ye hai ki mere bal nahin jaane wale
dil-girafta hun badalte hue haalat se main
tujh se naraaz nahin mujh ko manane wale
pahre-daron ka chalan aam hua hai jab se
lapata hone lage ghar ke kamane wale
aaKHir ek hujra-e-be-dar hi bachegi duniya
kyon samajhte nahin diwar uThane wale
ye jo ab rish-o-'abaya mein chhupe baiThe hain
hae kya log the ye pine-pilane wale
be-sabab milne ki fursat hi nahin milti hai
kaam se milte hain ab yar purane wale
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.