lakh tufan bhejiye mujhko sata ke dekhiye

laakh tūfāñ bhejiye mujh ko satā ke dekhiye

rū-ba-rū hoñge diye mere havā ke dekhiye

naujavān-e-hind haiñ ham sarfaroshī ḳhuuñ meñ hai

gar yaqīñ aa.e nahīñ to aazmā ke dekhiye

har taraf se tiir khā kar ham haiñ maqtal meñ khaḌe

aur qātil kah rahā hai muskurā ke dekhiye

mulk kī āb-o-havā meñ zahr itnā ghol kar

kar raheñ haiñ aap kyā nazreñ uThā ke dekhiye

taaj bhī uchhleñge saare taḳht bhī gir jā.eñge

ahl-e-mulk-o-qaum sab ik saath aa ke dekhiye

māñgte haiñ har qadam ham se mohabbat kā subūt

'soloman' taur-e-vafā ahl-e-vafā ke dekhiye

lakh tufan bhejiye mujh ko sata ke dekhiye

ru-ba-ru honge diye mere hawa ke dekhiye

naujawan-e-hind hain hum sarfaroshi KHun mein hai

gar yaqin aae nahin to aazma ke dekhiye

har taraf se tir kha kar hum hain maqtal mein khaDe

aur qatil kah raha hai muskura ke dekhiye

mulk ki aab-o-hawa mein zahr itna ghol kar

kar rahen hain aap kya nazren uTha ke dekhiye

taj bhi uchhlenge sare taKHt bhi gir jaenge

ahl-e-mulk-o-qaum sab ek sath aa ke dekhiye

mangte hain har qadam hum se mohabbat ka subut

'soloman' taur-e-wafa ahl-e-wafa ke dekhiye