laakh us ne e.atibār dilāyā ki aag hai
lekin yaqīn jal ke hī aaya ki aag hai
ḳhātir meñ jab dhueñ ko na laa.e yahāñ ke log
bastī ko phir havā ne batāyā ki aag hai
dil ke kivāḌ band na kar paa.e mere yaar
dāman to sab ne mujh se bachāyā ki aag hai
ik surḳh lau ne aise mo.attal kiye havās
ehsās hī ye ho nahīñ paayā ki aag hai
lakh us ne eatibar dilaya ki aag hai
lekin yaqin jal ke hi aaya ki aag hai
KHatir mein jab dhuen ko na lae yahan ke log
basti ko phir hawa ne bataya ki aag hai
dil ke kiwaD band na kar pae mere yar
daman to sab ne mujh se bachaya ki aag hai
ek surKH lau ne aise moattal kiye hawas
ehsas hi ye ho nahin paya ki aag hai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.