lala-ru tum ghair ke pale paDe

Waliullah Muhib

lala-ru tum ghair ke pale paDe

Waliullah Muhib

MORE BYWaliullah Muhib

    lāla-rū tum ġhair ke paale paḌe

    dekhne ke haiñ hameñ laale paḌe

    jab nazar surme ke dumbāle paḌe

    dil ke pīchhe tiir aur bhāle paḌe

    is baras furqat meñ tere ashk ke

    chashm se bahte haiñ parnāle paḌe

    ham havā-e-vasl meñ yaañ tak phire

    jo havas ke paañv meñ chhāle paḌe

    aariz us ke par nahīñ zulf-e-siyāh

    ganj par sote haiñ do kaale paḌe

    aah aur naale ke girdā-gird dil

    phirte haiñ rātoñ ko rakhvāle paḌe

    kyā nazākat hai ki bosa lete

    hoñT par us gul ke tab ḳhāle paḌe

    āñkheñ us ḳhūñ-ḳhār se phir laḌīñ

    zaḳhm-e-dil ke haiñ abhī aale paḌe

    ishq ke hāthoñ se juuñ farhād-o-qais

    kyā kahīñ kis kis ke ghar ghāle paḌe

    āshiq us mast āñkhoñ ke mudām

    phirte haiñ behosh matvāle paḌe

    shaiḳh tum filhāl dar-bazm-e-sama.a

    bad-usūlī se ho be-tāle paḌe

    apne ghar meñ shaiḳh añdherī raat meñ

    haath jo aave use le paḌe

    khole ye shīshoñ ke muñh saaqī ne aaj

    bazm meñ tirte haiñ kyā pyāle paḌe

    uḌte phirte haiñ zamīñ par shakl-e-abr

    parcha parcha ruuī ke gaale paḌe

    dar par us gul ke 'muhib' tum se hazār

    phirte haiñ dil bechne vaale paḌe

    lala-ru tum ghair ke pale paDe

    dekhne ke hain hamein lale paDe

    jab nazar surme ke dumbaale paDe

    dil ke pichhe tir aur bhaale paDe

    is baras furqat mein tere ashk ke

    chashm se bahte hain parnale paDe

    hum hawa-e-wasl mein yan tak phire

    jo hawas ke panw mein chhaale paDe

    aariz us ke par nahin zulf-e-siyah

    ganj par sote hain do kale paDe

    aah aur nale ke girda-gird dil

    phirte hain raaton ko rakhwale paDe

    kya nazakat hai ki bosa lete hi

    honT par us gul ke tab KHale paDe

    aankhen us KHun-KHar se phir ja laDin

    zaKHm-e-dil ke hain abhi aale paDe

    ishq ke hathon se jun farhad-o-qais

    kya kahin kis kis ke ghar ghaale paDe

    aashiq us ki mast aankhon ke mudam

    phirte hain behosh matwale paDe

    shaiKH tum filhaal dar-bazm-e-sama

    bad-usuli se ho be-tale paDe

    apne ghar mein shaiKH andheri raat mein

    hath jo aawe use ja le paDe

    khole ye shishon ke munh saqi ne aaj

    bazm mein tirte hain kya pyale paDe

    uDte phirte hain zamin par shakl-e-abr

    parcha parcha rui ke gale paDe

    dar par us gul ke 'muhib' tum se hazar

    phirte hain dil bechne wale paDe

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now