lazim hai laen DhunD kar KHud ko kahin se hum

Ameer Chand Bahar

lazim hai laen DhunD kar KHud ko kahin se hum

Ameer Chand Bahar

MORE BYAmeer Chand Bahar

    lāzim hai laa.eñ DhūñD kar ḳhud ko kahīñ se ham

    kyā be-niyāz ho ga.e duniyā-o-dīñ se ham

    mahsūs ho rahā hai hameñ tum se mil ke aaj

    jaise pahuñch ga.e hoñ falak pe zamīñ se ham

    duniyā-e-pur-fareb ke andāz dekh kar

    dil yuuñ bujhā ki ho ga.e ḳhalvat-nashīñ se ham

    us jān-e-ārzū se mulāqāt yuuñ huī

    muddat ke baad jaise mile hoñ hamīñ se ham

    is husn-e-itiqād me.arāj dekhnā

    ik but ko kah rahe haiñ ḳhudā kis yaqīñ se ham

    phir aa ga.e haiñ kūcha-e-jānāñ meñ lauT kar

    nikle the ik tavīl safar par yahīñ se ham

    sīkhe kahāñ se ne ye andāz-e-dilbarī

    chāhtā hai pūchh leñ us nāznīñ se ham

    ham ko qadam qadam pe jo dete rahe fareb

    rakhe hue haiñ aas abhī tak unhīñ se ham

    fikr-o-nazar ko ishq ne baḳhshī haiñ vus.ateñ

    takte haiñ āsmān jānib zamīñ se ham

    ahl-e-nazar ke sāmne rakheñge ye ġhazal

    hāsil kareñge daad kisī nukta-chīñ se ham

    jis arz-e-pāk ne diyā 'mahrūm' ko janam

    aa.e haiñ ai 'bahār' usī sarzamīñ se ham

    lazim hai laen DhunD kar KHud ko kahin se hum

    kya be-niyaz ho gae duniya-o-din se hum

    mahsus ho raha hai hamein tum se mil ke aaj

    jaise pahunch gae hon falak pe zamin se hum

    duniya-e-pur-fareb ke andaz dekh kar

    dil yun bujha ki ho gae KHalwat-nashin se hum

    us jaan-e-arzu se mulaqat yun hui

    muddat ke baad jaise mile hon hamin se hum

    is husn-e-itiqad ki mearaj dekhna

    ek but ko kah rahe hain KHuda kis yaqin se hum

    phir aa gae hain kucha-e-jaanan mein lauT kar

    nikle the ek tawil safar par yahin se hum

    sikhe kahan se tu ne ye andaz-e-dilbari

    ji chahta hai puchh len us naznin se hum

    hum ko qadam qadam pe jo dete rahe fareb

    rakhe hue hain aas abhi tak unhin se hum

    fikr-o-nazar ko ishq ne baKHshi hain wusaten

    takte hain aasman ki jaanib zamin se hum

    ahl-e-nazar ke samne rakhenge ye ghazal

    hasil karenge dad kisi nukta-chin se hum

    jis arz-e-pak ne diya 'mahrum' ko janam

    aae hain ai 'bahaar' usi sarzamin se hum

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY