lab-e-furaat wahi tishnagi ka manzar hai

Hafeez Banarasi

lab-e-furaat wahi tishnagi ka manzar hai

Hafeez Banarasi

MORE BYHafeez Banarasi

    lab-e-furāt vahī tishnagī manzar hai

    vahī husain vahī qātiloñ lashkar hai

    ye kis maqām pe laa.ī hai zindagī ham ko

    hañsī laboñ pe hai siine meñ ġham daftar hai

    yaqīn kis pe kareñ kis ko dost Thahrā.eñ

    har āstīn meñ poshīda koī ḳhanjar hai

    gila nahīñ mire hoñToñ pe tañg-dastī

    ḳhudā shukr mirā dil abhī tavañgar hai

    koī to hai jo dhaḌaktā hai zindagī ban kar

    koī to hai jo hamāre diloñ ke andar hai

    use qarīb se dekhā to ye huā mālūm

    vo bū-e-gul nahīñ shamshīr-e-bād-e-sarsar hai

    samajh ke aag lagānā hamāre ghar meñ tum

    hamāre ghar ke barābar tumhārā bhī ghar hai

    mirī jabīñ ko haqārat se dekhne vaale

    mirī jabīñ se tirā āstāñ munavvar hai

    tumhāre qurb lazzat nasīb hai jis ko

    vo ek lamha hayāt-e-abad se behtar hai

    hamārā jurm yahī hai ki haq-parast haiñ ham

    hamāre ḳhuun pyāsā har ek ḳhanjar hai

    vo mere sāmne aa.e to kis tarah aa.e

    koī libās hai us na koī paikar hai

    har ik balā se bachā.e hue hai jo ham ko

    hamāre sar pe ye maañ duā chādar hai

    bhaTak rahā huuñ maiñ sadiyoñ se dasht-e-ġhurbat meñ

    koī to mujh ko batā.e kahāñ mirā ghar hai

    abhī 'hafīz' gulāboñ baat mat kiije

    lahūluhān abhī gulsitāñ manzar hai

    lab-e-furaat wahi tishnagi ka manzar hai

    wahi husain wahi qatilon ka lashkar hai

    ye kis maqam pe lai hai zindagi hum ko

    hansi labon pe hai sine mein gham ka daftar hai

    yaqin kis pe karen kis ko dost Thahraen

    har aastin mein poshida koi KHanjar hai

    gila nahin mere honTon pe tang-dasti ka

    KHuda ka shukr mera dil abhi tawangar hai

    koi to hai jo dhaDakta hai zindagi ban kar

    koi to hai jo hamare dilon ke andar hai

    use qarib se dekha to ye hua malum

    wo bu-e-gul nahin shamshir-e-baad-e-sarsar hai

    samajh ke aag lagana hamare ghar mein tum

    hamare ghar ke barabar tumhaara bhi ghar hai

    meri jabin ko haqarat se dekhne wale

    meri jabin se tera aastan munawwar hai

    tumhaare qurb ki lazzat nasib hai jis ko

    wo ek lamha hayat-e-abad se behtar hai

    hamara jurm yahi hai ki haq-parast hain hum

    hamare KHun ka pyasa har ek KHanjar hai

    wo mere samne aae to kis tarah aae

    koi libas hai us ka na koi paikar hai

    har ek bala se bachae hue hai jo hum ko

    hamare sar pe ye man ki dua ki chadar hai

    bhaTak raha hun main sadiyon se dasht-e-ghurbat mein

    koi to mujh ko batae kahan mera ghar hai

    abhi 'hafiz' gulabon ki baat mat kije

    lahuluhan abhi gulsitan ka manzar hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY