lab-e-gul ki hansi degi na tumko raushni apni

Niyaz Haidar

lab-e-gul ki hansi degi na tumko raushni apni

Niyaz Haidar

MORE BYNiyaz Haidar

    lab-e-gul hañsī degī na tum ko raushnī apnī

    zarā shabnam ke ashkoñ meñ bhī dekhūñ zindagī apnī

    hameñ kyā ġham ki ham ik zamzama-pardāz-e-gulshan the

    bahāroñ ko huī mahsūs gulshan meñ kamī apnī

    mujhe mahfil nazroñ se nazar aatā hai mahfil meñ

    gavārā ḳhātir-e-rañgīñ ko hai sāda-dilī apnī

    mire dil taraf ik baar bhejī thī kiran us ne

    bhulā chāñd ne us raat se tābindagī apnī

    jo rahbar kārvāñ ko manziloñ ke naam par luuTe

    batā ai ham-safar achchhī nahīñ kyā gumrahī apnī

    ye sab jām-o-subū ḳhālī saverā tishna-kāmī

    ki ab kal ke liye rahne de kuchh sāqī-garī apnī

    sharāb o shāhid o shahd-e-tarannum nashsha-e-ishrat

    inhī meñ parvarish paatī rahī hai tishnagī apnī

    nigah gustāḳh tevar tund kaun aayā sar-e-mahfil

    'niyāz' aate tere fikr sab ko ho ga.ī apnī

    lab-e-gul ki hansi degi na tum ko raushni apni

    zara shabnam ke ashkon mein bhi dekhun zindagi apni

    hamein kya gham ki hum ek zamzama-pardaz-e-gulshan the

    bahaaron ko hui mahsus gulshan mein kami apni

    mujhe mahfil ki nazron se nazar aata hai mahfil mein

    gawara KHatir-e-rangin ko hai sada-dili apni

    mere dil ki taraf ek bar bheji thi kiran us ne

    bhula di chand ne us raat se tabindagi apni

    jo rahbar karwan ko manzilon ke nam par luTe

    bata ai ham-safar achchhi nahin kya gumrahi apni

    ye sab jam-o-subu KHali sawera tishna-kaami ka

    ki ab kal ke liye rahne de kuchh saqi-gari apni

    sharab o shahid o shahd-e-tarannum nashsha-e-ishrat

    inhi mein parwarish pati rahi hai tishnagi apni

    nigah gustaKH tewar tund kaun aaya sar-e-mahfil

    'niyaz' aate hi tere fikr sab ko ho gai apni

    RECITATIONS

    Nomaan Shauque

    Nomaan Shauque

    Nomaan Shauque

    lab-e-gul ki hansi degi na tumko raushni apni Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY