lab-e-jaan-baKHsh pe dam apna fana hota hai

lab-e-jāñ-baḳhsh pe dam apnā fanā hotā hai

aaj iisā se ye bīmār judā hotā hai

zulf ko dast-e-hinā.ī se jo chhūtā hai vo shoḳh

to giraftār vahīñ dard-e-hinā hotā hai

thā giraftār-e-shab-o-roz nigahbānī meñ

ham jo ab chhūTeñ haiñ sayyād rihā hotā hai

phir bahār aatī hai ai ḳhār-e-bayābāñ ḳhush ho

aaj kal phir guzar ābla-pā hotā hai

mar ga.e ham to sabā laa.ī javāb-e-nāma

vahī hotā hai jo qismat meñ likhā hotā hai

lab-e-jaan-baKHsh pe dam apna fana hota hai

aaj isa se ye bimar juda hota hai

zulf ko dast-e-hinai se jo chhuta hai wo shoKH

to giraftar wahin dard-e-hina hota hai

tha giraftar-e-shab-o-roz nigahbani mein

hum jo ab chhuTen hain sayyaad riha hota hai

phir bahaar aati hai ai KHar-e-bayaban KHush ho

aaj kal phir guzar aabla-pa hota hai

mar gae hum to saba lai jawab-e-nama

wahi hota hai jo qismat mein likha hota hai