lab pe aai hui ye jaan phire

lab pe aa.ī huī ye jaan phire

yaar gar is taraf ko aan phire

chain kyā ho hameñ jab aaTh pahar

apne āñkhoñ meñ vo javān phire

ḳhūn-e-āshiq chhuTā ki hai lāzim

tere talvār par ye saan phire

sāqiyā aaj jām-e-sahbā par

kyuuñ na lahrātī apnī jaan phire

hichkiyāñ lī hai is tarah bat-e-mai

jis tarah gaTkarī meñ taan phire

yā to vo ahd the ki ham hargiz

na phireñge agar jahān phire

aa.e ab roke ho ma.āz-allāh

aap se shaḳhs kī zabān phire

ruuTh kar uTh chale the 'inshā' se

baare phir ho ke mehrbān phire

lab pe aai hui ye jaan phire

yar gar is taraf ko aan phire

chain kya ho hamein jab aaTh pahar

apne aankhon mein wo jawan phire

KHun-e-ashiq chhuTa ki hai lazim

tere talwar par ye san phire

saqiya aaj jam-e-sahba par

kyun na lahraati apni jaan phire

hichkiyan li hai is tarah bat-e-mai

jis tarah gaTkari mein tan phire

ya to wo ahd the ki hum hargiz

na phirenge agar jahan phire

aae ab roke ho maaz-allah

aap se shaKHs ki zaban phire

ruTh kar uTh chale the 'insha' se

bare phir ho ke mehrban phire