lab pe aish-e-ahd-e-mazi ka hai afsana hanuz

lab pe aish-e-ahd-e-māzī kā hai afsānā hanūz

jā chukī hai fasl-e-gul aur maiñ huuñ dīvānā hanūz

chain kaisā qabr meñ sar par hai roz-e-bāz-purs

dāstān-e-dard-e-hastī ko hai dohrānā hanūz

ab bhī sharh-e-soz-e-dil kartī hai parvāne kī ḳhaak

sun rahī hai sham.a ḳhāmoshī se afsānā hanūz

pheñk dī saarī sharāb ai vaa.e be-sabrī-e-shauq

lab tak aane bhī nahīñ paayā thā paimānā hanūz

kyā miTe ummīd-e-tāsīr-e-duā kā iztirāb

dil hai shān-e-rahmat-e-bārī kā dīvānā hanūz

zindagī āḳhir huī lekin havas kī had nahīñ

qabr banñe ko hai aur bantā hai kāshāna hanūz

nā-umīdī bhī mudāvā be-qarārī kā nahīñ

mashġhala dil kā hai tum ko yaad farmānā hanūz

umr-bhar khāyā fareb-e-dostī lekin ye dil

rasm-o-rāh-e-ahl-e-ālam se hai begānā hanūz

ziist kī har saañs hotī hai ham-āġhosh-e-fanā

har-nafas hai maut aur baaqī hai mar jaanā hunūz

kahte kahte arsa-e-mahshar tak aayā huuñ magar

nā-mukammal hai ġham-e-hastī kā afsāna hanūz

paiham āñkhoñ kā jhapaknā kyā juz imā-e-sujūd

in ishāroñ se magar 'mānī' hai begānā hanūz

lab pe aish-e-ahd-e-mazi ka hai afsana hanuz

ja chuki hai fasl-e-gul aur main hun diwana hanuz

chain kaisa qabr mein sar par hai roz-e-baz-purs

dastan-e-dard-e-hasti ko hai dohrana hanuz

ab bhi sharh-e-soz-e-dil karti hai parwane ki KHak

sun rahi hai shama KHamoshi se afsana hanuz

phenk di sari sharab ai wae be-sabri-e-shauq

lab tak aane bhi nahin paya tha paimana hanuz

kya miTe ummid-e-tasir-e-dua ka iztirab

dil hai shan-e-rahmat-e-bari ka diwana hanuz

zindagi aaKHir hui lekin hawas ki had nahin

qabr banne ko hai aur banta hai kashana hanuz

na-umidi bhi mudawa be-qarari ka nahin

mashghala dil ka hai tum ko yaad farmana hanuz

umr-bhar khaya fareb-e-dosti lekin ye dil

rasm-o-rah-e-ahl-e-alam se hai begana hanuz

zist ki har sans hoti hai ham-aghosh-e-fana

har-nafas hai maut aur baqi hai mar jaana hunuz

kahte kahte arsa-e-mahshar tak aaya hun magar

na-mukammal hai gham-e-hasti ka afsana hanuz

paiham aankhon ka jhapakna kya juz ima-e-sujud

in ishaaron se magar 'mani' hai begana hanuz