lab pe tauhid to dil mein liye but-KHana phirun

lab pe tauhīd to dil meñ liye but-ḳhāna phirūñ

sab ke hamrāh chalūñ sab se judāgāna phirūñ

ajnabī shahr se yuuñ guzrūñ ki jaise ghar se

apne hī ghar meñ chalī aa.uuñ to begāna phirūñ

bhaTkī rūhoñ kī tarah ḳhaak se tā-haft-aflāk

dā.era dā.era afsāna-dar-afsāna phirūñ

safar-e-shauq kī ik samt muayyan bhī to ho

kab talak vaqt ke bāzār meñ tiflāna phirūñ

nazar aaya na ḳhizāñ se koī uktāyā huā

maiñ to hāthoñ meñ liye phuul kā nazrāna phirūñ

mustahiq pā.ūñ to ye farz adā ho jaa.e

apne māthe meñ liye sajda-e-shukrāna phirūñ

lab pe tauhid to dil mein liye but-KHana phirun

sab ke hamrah chalun sab se judagana phirun

ajnabi shahr se yun guzrun ki jaise ghar se

apne hi ghar mein chali aaun to begana phirun

bhaTki ruhon ki tarah KHak se ta-haft-aflak

daera daera afsana-dar-afsana phirun

safar-e-shauq ki ek samt muayyan bhi to ho

kab talak waqt ke bazar mein tiflana phirun

nazar aaya na KHizan se koi uktaya hua

main to hathon mein liye phul ka nazrana phirun

mustahiq paun to ye farz ada ho jae

apne mathe mein liye sajda-e-shukrana phirun