labaalab kar de ai saqi hai Khaali mera paimana

labālab kar de ai saaqī hai ḳhālī merā paimāna

salāmat daur-e-gardūñ tak ye shīsha aur ye mai-ḳhāna

na pūchho naam mujh vahshat-zada kā dasht-e-furqat meñ

siḌī saudā.ī majnūñ mast be-ḳhud zar-o-dīvāna

mujhe mushrik na samjho maiñ muvahhid huuñ zamāne meñ

tasāvīr-e-ḳhayālī se bharā hai merā but-ḳhāna

huā matl.a jo mashriq meñ to maġhrib meñ huā maqtā

liye phirte haiñ ham dosh-e-sabā par bait kā ḳhāna

urūs-e-fikr merī aur dūlhe se na zam hogī

faqīrī kī milegī bū jo joḌā hogā shāhāna

bhalā lahj-o-lahja īstāda kyā bayāñ hogā

qayāmat tak to suniye baiTh kar ulfat kā afsāna

za.īfī meñ bhī lipTī hai balā-e-shā.erī mujh se

na chūTegī kabhī 'aḳhtar' qalam se mashq-e-tiflāna

labaalab kar de ai saqi hai KHali mera paimana

salamat daur-e-gardun tak ye shisha aur ye mai-KHana

na puchho nam mujh wahshat-zada ka dasht-e-furqat mein

siDi saudai majnun mast be-KHud zar-o-diwana

mujhe mushrik na samjho main muwahhid hun zamane mein

tasawir-e-KHayali se bhara hai mera but-KHana

hua matla jo mashriq mein to maghrib mein hua maqta

liye phirte hain hum dosh-e-saba par bait ka KHana

urus-e-fikr meri aur dulhe se na zam hogi

faqiri ki milegi bu jo joDa hoga shahana

bhala lahj-o-lahja istada kya bayan hoga

qayamat tak to suniye baiTh kar ulfat ka afsana

zaifi mein bhi lipTi hai bala-e-shaeri mujh se

na chuTegi kabhi 'aKHtar' qalam se mashq-e-tiflana