labon pe shikwa-e-ayyam bhi nahin hota

laboñ pe shikva-e-ayyām bhī nahīñ hotā

zabāñ pe ab to tirā naam bhī nahīñ hotā

kabhī kabhī use sochūñ to soch letā huuñ

kabhī-kabhār ye ik kaam bhī nahīñ hotā

ye mai-kada hai nahīñ mai-kasho ye dhokā hai

yahāñ to nashsha tah-e-jām bhī nahīñ hotā

nahīñ ye dard nahīñ ye zarūr hai kuchh aur

ki us meñ to mujhe ārām bhī nahīñ hotā

vo ajnabī sā ravayya vo dil-shikan andāz

jab un ke hoñToñ pe ilzām bhī nahīñ hotā

tire baġhair masāfat meñ pul-sirāt huā

vo rahguzār jo do gaam bhī nahīñ hotā

'sahar' tum us se mulāqāt kaise karte ho

vo shaḳhs ab to lab-e-bām bhī nahīñ hotā

labon pe shikwa-e-ayyam bhi nahin hota

zaban pe ab to tera nam bhi nahin hota

kabhi kabhi use sochun to soch leta hun

kabhi-kabhaar ye ek kaam bhi nahin hota

ye mai-kada hai nahin mai-kasho ye dhoka hai

yahan to nashsha tah-e-jam bhi nahin hota

nahin ye dard nahin ye zarur hai kuchh aur

ki us mein to mujhe aaram bhi nahin hota

wo ajnabi sa rawayya wo dil-shikan andaz

jab un ke honTon pe ilzam bhi nahin hota

tere baghair masafat mein pul-siraat hua

wo rahguzar jo do gam bhi nahin hota

'sahar' tum us se mulaqat kaise karte ho

wo shaKHs ab to lab-e-baam bhi nahin hota