laDkiyan ghar mein nikhar aai hain phulon ki tarah

laḌkiyāñ ghar meñ nikhar aa.ī haiñ phūloñ kī tarah

vaqt Thahrā hai magar sūkhī babūloñ kī tarah

dil to kahtā hai ki har haath pe bai'at kar leñ

log yuuñ raah meñ milte haiñ rasūloñ kī tarah

chhat ko thāme raho is shahr meñ insān abhī

sar uThā.e hue phirte haiñ bagūloñ kī tarah

terī shartoñ pe mujhe zindagī manzūr nahīñ

maiñ ne chāhā hai tujhe apne usūloñ kī tarah

dekh lenā mirī tasvīr ko hasrat se sahī

yaad aa.uuñ jo kabhī maiñ tujhe phūloñ kī tarah

kal kī tārīḳh tumheñ aisī sazā degī 'zafar'

ghar meñ laTkā diye jāoge maqūloñ kī tarah

laDkiyan ghar mein nikhar aai hain phulon ki tarah

waqt Thahra hai magar sukhi babulon ki tarah

dil to kahta hai ki har hath pe bai'at kar len

log yun rah mein milte hain rasulon ki tarah

chhat ko thame raho is shahr mein insan abhi

sar uThae hue phirte hain bagulon ki tarah

teri sharton pe mujhe zindagi manzur nahin

main ne chaha hai tujhe apne usulon ki tarah

dekh lena meri taswir ko hasrat se sahi

yaad aaun jo kabhi main tujhe phulon ki tarah

kal ki tariKH tumhein aisi saza degi 'zafar'

ghar mein laTka diye jaoge maqulon ki tarah