lafzon mein ek nae safar ka karta hai aaghaz badan

lafzoñ meñ ik na.e safar kā kartā hai āġhāz badan

nuqta nuqta phail ke mujh ko detā hai āvāz badan

har-pal TuuT bikharnā ḳhadsha Thes lage to kaañp uThtā hai

shīsha shīsha ruup liye hai patthar kā dam-sāz badan

uḌtā bādal Dhaltī chhāyā ik ik pal meñ sau sau kaayā

uḌte roz-o-shab se aage kartā hai parvāz badan

anjānī an-dekhī sadā.eñ aksar dastak de jaatī haiñ

mujh ko barahna kar detā hai aksar ye ġhammāz badan

kitne hātim bhaTke barsoñ lauh-e-tilism-e-rāz liye

phir bhī ik asrār kā sahrā phir bhī hai ik raaz badan

ik ik taar nafas se ab tak lipTī hai us lams kī ḳhushbū

ik din shāyad Takrāyā thā mujh se koī shahnāz badan

lafzon mein ek nae safar ka karta hai aaghaz badan

nuqta nuqta phail ke mujh ko deta hai aawaz badan

har-pal TuT bikharna KHadsha Thes lage to kanp uThta hai

shisha shisha rup liye hai patthar ka dam-saz badan

uDta baadal Dhalti chhaya ek ek pal mein sau sau kaya

uDte roz-o-shab se aage karta hai parwaz badan

anjaani an-dekhi sadaen aksar dastak de jati hain

mujh ko barahna kar deta hai aksar ye ghammaz badan

kitne hatim bhaTke barson lauh-e-tilism-e-raaz liye

phir bhi ek asrar ka sahra phir bhi hai ek raaz badan

ek ek tar nafas se ab tak lipTi hai us lams ki KHushbu

ek din shayad Takraya tha mujh se koi shahnaz badan