laga hun bolne to baDbaDa raha hun main

lagā huuñ bolne to baḌbaḌā rahā huuñ maiñ

ḳhamosh rahne kī qīmat chukā rahā huuñ maiñ

har ek shaḳhs tirā rishta-dār lagtā hai

har ek shaḳhs ko ḳhātir meñ lā rahā huuñ maiñ

talāsh kar ke na.e zāviye mohabbat ke

ka.ī diloñ ko dhḌaknā sikhā rahā huuñ maiñ

zarūratan kabhī qīmat girā.ī thī apnī

natījatan ab aziyyat uThā rahā huuñ maiñ

dar-asl apne garebāñ kā paas hai mujh ko

ye har kisī se jo dāman bachā rahā huuñ maiñ

maiñ rakh rahā huuñ bahar-hāl apne naam kī laaj

shikasta-dil huuñ magar muskurā rahā huuñ maiñ

laga hun bolne to baDbaDa raha hun main

KHamosh rahne ki qimat chuka raha hun main

har ek shaKHs tera rishta-dar lagta hai

har ek shaKHs ko KHatir mein la raha hun main

talash kar ke nae zawiye mohabbat ke

kai dilon ko dhDakna sikha raha hun main

zaruratan kabhi qimat girai thi apni

natijatan ab aziyyat uTha raha hun main

dar-asl apne gareban ka pas hai mujh ko

ye har kisi se jo daman bacha raha hun main

main rakh raha hun bahar-haal apne nam ki laj

shikasta-dil hun magar muskura raha hun main