lagta hai in dinon ke hai mahshar-ba-kaf hawa

lagtā hai in dinoñ ke hai mahshar-ba-kaf havā

haiñ sar-ba-kaf charāġh to ḳhanjar-ba-kaf huā

jab se chaman meñ rakkhā hai bulbul ne āshiyāñ

sho.ala-ba-kaf hai barq to aḳhgar-ba-kaf havā

ruḳhsār-e-gul ke til se haiñ hairān ḳhushbueñ

hai mausam-e-bahār meñ ambar-ba-kaf huā

ilm-o-amal se hotī hai kirdār kī parakh

elaan kar rahī hai ye mahzar-ba-kaf havā

fir.aun aur abrha jaisoñ se bārhā

har haal hī meñ nibTī hai lashkar-ba-kaf havā

e.ajāz sher-e-haq kā dikhāne ke vāste

azhdar ba-kaf huī kabhī ḳhaibar-ba-kaf havā

gulshan meñ mustaqil jo Thikānā nahīñ milā

sahrā navard ho ga.ī bistar-ba-kaf havā

dīvān-e-be-nuqat se hai terā 'vaqār-hilm'

kahtī hai ahl-e-fan se ye gauhar-ba-kaf havā

lagta hai in dinon ke hai mahshar-ba-kaf hawa

hain sar-ba-kaf charagh to KHanjar-ba-kaf hua

jab se chaman mein rakkha hai bulbul ne aashiyan

shoala-ba-kaf hai barq to aKHgar-ba-kaf hawa

ruKHsar-e-gul ke til se hain hairan KHushbuen

hai mausam-e-bahaar mein ambar-ba-kaf hua

ilm-o-amal se hoti hai kirdar ki parakh

elan kar rahi hai ye mahzar-ba-kaf hawa

firaun aur abrha jaison se barha

har haal hi mein nibTi hai lashkar-ba-kaf hawa

eajaz sher-e-haq ka dikhane ke waste

azhdar ba-kaf hui kabhi KHaibar-ba-kaf hawa

gulshan mein mustaqil jo Thikana nahin mila

sahra naward ho gai bistar-ba-kaf hawa

diwan-e-be-nuqat se hai tera 'waqar-hilm'

kahti hai ahl-e-fan se ye gauhar-ba-kaf hawa