lahu mein Dubta manzar KHilaf rahta hai
lahū meñ Dūbtā manzar ḳhilāf rahtā hai
amīr-e-shahr kā ḳhanjar ḳhilāf rahtā hai
yazīd-e-vaqt ko duniyā qubūl kar le magar
sināñ kī nok pe ik sar ḳhilāf rahtā hai
sulagtī pyaas ne kar lī hai morcha-bañdī
isī ḳhatā pe samundar ḳhilāf rahtā hai
mire usuul ke bachche bhī ehtajājī haiñ
zarā jhukūñ to mirā ghar ḳhilāf rahtā hai
maiñ chāhtā huuñ ki dushman ko surḳh-rū kar duuñ
magar safed kabūtar ḳhilāf rahtā hai
hai e'timād mujhe phāvḌoñ kī tāqat par
bas itnī baat se patthar ḳhilāf rahtā hai
ajab tarah kī tabī.at milī hai ḳhud-sar ko
ki do jahān se 'akbar' ḳhilāf rahtā hai
lahu mein Dubta manzar KHilaf rahta hai
amir-e-shahr ka KHanjar KHilaf rahta hai
yazid-e-waqt ko duniya qubul kar le magar
sinan ki nok pe ek sar KHilaf rahta hai
sulagti pyas ne kar li hai morcha-bandi
isi KHata pe samundar KHilaf rahta hai
mere usul ke bachche bhi ehtajaji hain
zara jhukun to mera ghar KHilaf rahta hai
main chahta hun ki dushman ko surKH-ru kar dun
magar safed kabutar KHilaf rahta hai
hai e'timad mujhe phawDon ki taqat par
bas itni baat se patthar KHilaf rahta hai
ajab tarah ki tabiat mili hai KHud-sar ko
ki do jahan se 'akbar' KHilaf rahta hai
Source:
Samundar Khilaf Rahta Hai (Pg. ebook-13 page-11)
- Author: Khursheed Akbar
-
- Edition: 1994
- Publisher: Asari Sang-e-Meel Publication, Patna
- Year of Publication: 1994
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
