lahu uchhaalte lamhon ka silsila nikla
lahū uchhālte lamhoñ kā silsila niklā
mujhe pahuñchnā kahāñ thā kahāñ maiñ aa niklā
jahāñ safed gulāboñ kā ḳhvāb thā raushan
vahāñ siyāh pahāḌoñ kā silsila niklā
bahāv tez thā dariyā kā chand lamhoñ meñ
mirī nigāh kī had se vo duur jā niklā
tilism TuuTā jab us ke hasīn lahje kā
mirī umiid ke bar-aks faisla niklā
na jaane kab se maiñ us ke qarīb thā lekin
baġhaur dekhā to sadiyoñ kā fāsla niklā
jo lamha lamha judā kar rahā thā ḳhud se mujhe
mire vajūd ke andar hī vo chhupā niklā
samajh rahe the jise ham barāt kā manzar
qarīb jā ke jo dekhā to hādsa niklā
lahu uchhaalte lamhon ka silsila nikla
mujhe pahunchna kahan tha kahan main aa nikla
jahan safed gulabon ka KHwab tha raushan
wahan siyah pahaDon ka silsila nikla
bahaw tez tha dariya ka chand lamhon mein
meri nigah ki had se wo dur ja nikla
tilism TuTa jab us ke hasin lahje ka
meri umid ke bar-aks faisla nikla
na jaane kab se main us ke qarib tha lekin
baghaur dekha to sadiyon ka fasla nikla
jo lamha lamha juda kar raha tha KHud se mujhe
mere wajud ke andar hi wo chhupa nikla
samajh rahe the jise hum baraat ka manzar
qarib ja ke jo dekha to hadsa nikla
Source:
Sab Khwab (Pg. 62)
- Author: Nusrat Gwaliory
-
- Edition: 1998
- Publisher: Nusrat Gwaliory, Tahzeeb Urdu 5071, Kucha Rahman Pandit, Chandni Chouck, Delhi
- Year of Publication: 1998
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
