laila sar-ba-gareban hai majnun sa aashiq-e-zar kahan

lailā sar-ba-garebāñ hai majnūñ sā āshiq-e-zār kahāñ

hiir duhā.ī detī hai rāñjhe sā yār-e-ġhār kahāñ

apnā ḳhūn-e-jigar piite haiñ tujh ko duā.eñ dete haiñ

tere maiḳhāne meñ saaqī ham sā bāda-ḳhvār kahāñ

hijr kā zulm hamārī qismat vasl kī daulat ġhair kā maal

zaḳhm kise aur marham kis ko dard kahāñ hai qarār kahāñ

hijr kā zulm hamārī qismat vasl kī daulat ġhair kā maal

zaḳhm kise aur marham kis ko dard kahāñ hai qarār kahāñ

pīr-e-muġhāñ kyā kam thā mohtasiboñ kā bhī ab daḳhl huā

miinā par kyā guzregī sar phoḌeñge mai-ḳhvār kahāñ

sunte haiñ ki chaman mahke bulbul chahke ban lahke haiñ

apne nasheman tak jo na pahuñchī aisī bahār bahār kahāñ

kunj-e-mehan hai dār-o-rasan hai zulmat hai tanhā.ī hai

kaun sī jā hai ham-safaro le aa.ī talāsh-e-yār kahāñ

gul-chīnoñ ko aaj chaman-bandī kā da.avā hai 'parvez'

ab dekheñ luT kar biktā hai kalī kalī kā siñghār kahāñ

laila sar-ba-gareban hai majnun sa aashiq-e-zar kahan

hir duhai deti hai ranjhe sa yar-e-ghaar kahan

apna KHun-e-jigar pite hain tujh ko duaen dete hain

tere maiKHane mein saqi hum sa baada-KHwar kahan

hijr ka zulm hamari qismat wasl ki daulat ghair ka mal

zaKHm kise aur marham kis ko dard kahan hai qarar kahan

hijr ka zulm hamari qismat wasl ki daulat ghair ka mal

zaKHm kise aur marham kis ko dard kahan hai qarar kahan

pir-e-mughan kya kam tha mohtasibon ka bhi ab daKHl hua

mina par kya guzregi sar phoDenge mai-KHwar kahan

sunte hain ki chaman mahke bulbul chahke ban lahke hain

apne nasheman tak jo na pahunchi aisi bahaar bahaar kahan

kunj-e-mehan hai dar-o-rasan hai zulmat hai tanhai hai

kaun si ja hai ham-safaro le aai talash-e-yar kahan

gul-chinon ko aaj chaman-bandi ka dawa hai 'parwez'

ab dekhen luT kar bikta hai kali kali ka singhaar kahan