lamha lamha apni zahrili baaton se Dasta tha

lamha lamha apnī zahrīlī bātoñ se Dastā thā

vo merā dushman ho kar bhī mere ghar meñ bastā thā

baap marā to bachche roTī ke TukḌe ko taras ga.e

ek tane se kitnī shāḳhoñ kā jīvan vābasta thā

afvāhoñ ke dhueñ ne koshish kī hai kālak malne kī

vo bikne kī shai hotā to har qīmat par sastā thā

ik manzar meñ peḌ the jin par chand kabūtar baiThe the

ik bachche kī laash bhī thī jis ke kañdhe par bastā thā

jis din shahr jalā thā us din dhuup meñ kitnī tezī thī

varna is bastī par 'anjum' bādal roz barastā thā

lamha lamha apni zahrili baaton se Dasta tha

wo mera dushman ho kar bhi mere ghar mein basta tha

bap mara to bachche roTi ke TukDe ko taras gae

ek tane se kitni shaKHon ka jiwan wabasta tha

afwahon ke dhuen ne koshish ki hai kalak malne ki

wo bikne ki shai hota to har qimat par sasta tha

ek manzar mein peD the jin par chand kabutar baiThe the

ek bachche ki lash bhi thi jis ke kandhe par basta tha

jis din shahr jala tha us din dhup mein kitni tezi thi

warna is basti par 'anjum' baadal roz barasta tha