lamha lamha dard Tapakta rahta hai
lamha lamha dard Tapaktā rahtā hai
jaane andar kaun sisaktā rahtā hai
ik aahaT sī hotī rahtī hai dil meñ
is sahrā meñ kaun bhaTaktā rahtā hai
hijr-zada ik 'āshiq mahv-e-ġham aksar
maazī ke aurāq palaTtā rahtā hai
phuul sī koī yaad hai us se vābasta
mere dil kā zaḳhm mahaktā rahtā hai
dil jaise mele meñ khoyā ik bachcha
har aahaT kī or lapaktā rahtā hai
sar par itnī dhuup safar hai sahrā meñ
merā saarā jism jhulastā rahtā hai
dil meñ itnī aag nahīñ jo jal uTThe
bas yūñhī chup-chāp sulagtā rahtā hai
lamha lamha dard Tapakta rahta hai
jaane andar kaun sisakta rahta hai
ek aahaT si hoti rahti hai dil mein
is sahra mein kaun bhaTakta rahta hai
hijr-zada ek 'ashiq mahw-e-gham aksar
mazi ke auraq palaTta rahta hai
phul si koi yaad hai us se wabasta
mere dil ka zaKHm mahakta rahta hai
dil jaise mele mein khoya ek bachcha
har aahaT ki or lapakta rahta hai
sar par itni dhup safar hai sahra mein
mera sara jism jhulasta rahta hai
dil mein itni aag nahin jo jal uTThe
bas yunhi chup-chap sulagta rahta hai
Source:
Khwab Patthar Ho Gaye (Pg. 56)
- Author: Manish Shukla
-
- Edition: 2012
- Publisher: Skylark House of Publications, 52 Shiv Vihar, Sector-1, Jankipuram, Lucknow-21
- Year of Publication: 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
