lamha lamha tajraba hone laga

lamha lamha tajraba hone lagā

maiñ bhī andar se nayā hone lagā

shiddat-e-ġham ne hadeñ sab toḌ diiñ

zabt kā manzar havā hone lagā

phir na.e armān shāḳhoñ ko mile

patta patta phir harā hone lagā

ġhaur se Tuk aañkh ne dekhā hī thā

mujh se har manzar ḳhafā hone lagā

raat kī sarhad yaqīnan aa ga.ī

jism se saayā judā hone lagā

maiñ abhī to aa.ine se duur huuñ

merā bātin kyuuñ ḳhafā hone lagā

'dānish' ab tīroñ kī zad meñ aa gayā

zindagī se sāmnā hone lagā

lamha lamha tajraba hone laga

main bhi andar se naya hone laga

shiddat-e-gham ne haden sab toD din

zabt ka manzar hawa hone laga

phir nae arman shaKHon ko mile

patta patta phir hara hone laga

ghaur se Tuk aankh ne dekha hi tha

mujh se har manzar KHafa hone laga

raat ki sarhad yaqinan aa gai

jism se saya juda hone laga

main abhi to aaine se dur hun

mera baatin kyun KHafa hone laga

'danish' ab tiron ki zad mein aa gaya

zindagi se samna hone laga