lau ko chhune ki hawas mein ek chehra jal gaya
lau ko chhūne kī havas meñ ek chehra jal gayā
sham.a ke itne qarīb aayā ki saayā jal gayā
pyaas kī shiddat thī sairābī meñ sahrā kī tarah
vo badan paanī meñ kyā utrā ki dariyā jal gayā
kyā ajab kār-e-tahayyur hai supurd-e-nār-e-ishq
ghar meñ jo thā bach gayā aur jo nahīñ thā jal gayā
garmi-e-dīdār aisī thī tamāshā-gāh meñ
dekhne vāloñ kī āñkhoñ meñ tamāshā jal gayā
ḳhud hī ḳhākistar kiyā us ne mujhe aur us ke baad
mujh se ḳhud hī pūchhtā hai bol kyā kyā jal gayā
sirf yād-e-yār baaqī rah ga.ī dil meñ 'salīm'
ek ik kar ke sabhī asbāb-e-duniyā jal gayā
lau ko chhune ki hawas mein ek chehra jal gaya
shama ke itne qarib aaya ki saya jal gaya
pyas ki shiddat thi sairabi mein sahra ki tarah
wo badan pani mein kya utra ki dariya jal gaya
kya ajab kar-e-tahayyur hai supurd-e-nar-e-ishq
ghar mein jo tha bach gaya aur jo nahin tha jal gaya
garmi-e-didar aisi thi tamasha-gah mein
dekhne walon ki aankhon mein tamasha jal gaya
KHud hi KHakistar kiya us ne mujhe aur us ke baad
mujh se KHud hi puchhta hai bol kya kya jal gaya
sirf yaad-e-yar baqi rah gai dil mein 'salim'
ek ek kar ke sabhi asbab-e-duniya jal gaya
Source:
duniya aarzoo se kam hai (Pg. 121)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
