lauh-e-imkan pe hasti ka bharam khulta hai

lauh-e-imkān pe hastī kā bharam khultā hai

jaane kab uqda-e-maujūd-o-adam khultā hai

rang-o-āhang bhī hote haiñ vahāñ dast darāz

us parī-zād kā jab bāb-e-karam khultā hai

shaam hote hī yahāñ āmad-e-mahtāb ke saath

ḳhāna-e-dil meñ tirī yaad kā ġham khultā hai

ham koī baat tayaqqun se nahīñ kah sakte

ham pe asrār-e-zamāna abhī kam khultā hai

yuuñ bikharte haiñ ḳhayāloñ meñ tire husn ke rang

dasht par jaise kisī abr kā nam khultā hai

ḳhatra-e-jāñ hai rah-e-ishq meñ lekin 'muḳhtār'

rāh-e-dushvār pe chalne se qadam khultā hai

lauh-e-imkan pe hasti ka bharam khulta hai

jaane kab uqda-e-maujud-o-adam khulta hai

rang-o-ahang bhi hote hain wahan dast daraaz

us pari-zad ka jab bab-e-karam khulta hai

sham hote hi yahan aamad-e-mahtab ke sath

KHana-e-dil mein teri yaad ka gham khulta hai

hum koi baat tayaqqun se nahin kah sakte

hum pe asrar-e-zamana abhi kam khulta hai

yun bikharte hain KHayalon mein tere husn ke rang

dasht par jaise kisi abr ka nam khulta hai

KHatra-e-jaan hai rah-e-ishq mein lekin 'muKHtar'

rah-e-dushwar pe chalne se qadam khulta hai