lazzat-e-KHwab de gae husn-e-KHayal de gae

lazzat-e-ḳhvāb de ga.e husn-e-ḳhayāl de ga.e

ek jhalak meñ itnā kuchh ahl-e-jamāl de ga.e

aa.e to dil thā baaġh baaġh aur ga.e to daaġh daaġh

kitnī ḳhushī vo laa.e the kitnā malāl de ga.e

dīda-varoñ kī raah par kaun huā hai gāmzan

vo magar apnī zaat se ek misāl de ga.e

is se ziyāda rāhzan karte bhī mujh pe kyā sitam

māl-o-manāl le ga.e fikr-e-ma.āl de ga.e

ahl-e-kamāl ko 'nazīr' ahl-e-jahāñ ne kyā diyā

ahl-e-jahāñ ko kyā nahīñ ahl-e-kamāl de ga.e

lazzat-e-KHwab de gae husn-e-KHayal de gae

ek jhalak mein itna kuchh ahl-e-jamal de gae

aae to dil tha bagh bagh aur gae to dagh dagh

kitni KHushi wo lae the kitna malal de gae

dida-waron ki rah par kaun hua hai gamzan

wo magar apni zat se ek misal de gae

is se ziyaada rahzan karte bhi mujh pe kya sitam

mal-o-manal le gae fikr-e-maal de gae

ahl-e-kamal ko 'nazir' ahl-e-jahan ne kya diya

ahl-e-jahan ko kya nahin ahl-e-kamal de gae