le chale ho to kahin dur hi le jaana mujhe
le chale ho to kahīñ duur hī le jaanā mujhe
mat kisī bisrī huī yaad se Takrānā mujhe
maiñ to is meñ bhī bahut ḳhush huuñ tirā naam to hai
ek jur.a bhī tire naam kā mai-ḳhāna mujhe
aaj dānista taġhāful se huuñ haarā huā maiñ
kal talak umr kī sachchā.ī thī afsāna mujhe
tū ne bhī maan liyā logoñ kā phailāyā sach
tū ne bhī jaate hue lauT ke dekhā na mujhe
ilm ke taur pe sīkhe haiñ mohabbat ke rumūz
tum binā soche hī kah jaate ho dīvāna mujhe
aa mirī jaan ke dushman tirī tādīb karūñ
terā har vaar lagā ġhair dilerāna mujhe
ab mujhe tū hī batā donoñ meñ kyuuñ tujh ko chunūñ
tū ne rakkhā na mujhe dard ne chhoḌā na mujhe
le chale ho to kahin dur hi le jaana mujhe
mat kisi bisri hui yaad se Takrana mujhe
main to is mein bhi bahut KHush hun tera nam to hai
ek jura bhi tere nam ka mai-KHana mujhe
aaj danista taghaful se hun haara hua main
kal talak umr ki sachchai thi afsana mujhe
tu ne bhi man liya logon ka phailaya sach
tu ne bhi jate hue lauT ke dekha na mujhe
ilm ke taur pe sikhe hain mohabbat ke rumuz
tum bina soche hi kah jate ho diwana mujhe
aa meri jaan ke dushman teri tadib karun
tera har war laga ghair dilerana mujhe
ab mujhe tu hi bata donon mein kyun tujh ko chunun
tu ne rakkha na mujhe dard ne chhoDa na mujhe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
