le dida-e-tar jidhar gae hum

le dīda-e-tar jidhar ga.e ham

Dabre jo the ḳhushk bhar ga.e ham

tujh ishq meñ roz-e-ḳhush na dekhā

dukh bharte hī bharte mar ga.e ham

terā jo sitam hai us kī tū jaan

apnī thī sau ḳhuub kar ga.e ham

ye qit.a paḌhe thā soz-e-dil se

saudā ke jo raat ghar ga.e ham

juuñ sham.a laboñ par aa rahā jī

tan thā so gudāz kar ga.e ham

itnī bhī patañg pesh-qadmī!

gar shaam nahīñ sahar ga.e ham

hogī na kisī ko ye ḳhabar bhī

us majlis se kidhar ga.e ham

le dida-e-tar jidhar gae hum

Dabre jo the KHushk bhar gae hum

tujh ishq mein roz-e-KHush na dekha

dukh bharte hi bharte mar gae hum

tera jo sitam hai us ki tu jaan

apni thi sau KHub kar gae hum

ye qita paDhe tha soz-e-dil se

sauda ke jo raat ghar gae hum

jun shama labon par aa raha ji

tan tha so gudaz kar gae hum

itni bhi patang pesh-qadmi!

gar sham nahin sahar gae hum

hogi na kisi ko ye KHabar bhi

us majlis se kidhar gae hum