le ke apni zulf ko wo pyare pyare hath mein

Syed Yusuf Ali Khan Nazim

le ke apni zulf ko wo pyare pyare hath mein

Syed Yusuf Ali Khan Nazim

MORE BYSyed Yusuf Ali Khan Nazim

    le ke apnī zulf ko vo pyāre pyāre haath meñ

    kahte haiñ fitnoñ choTī hai hamāre haath meñ

    sāqiyā donoñ jahāñ se phir to beḌā paar hai

    gar bat-e-mai aa.e dariyā ke kināre haath meñ

    āshiqoñ aañkh se har dam barastā hai lahū

    rañg par hai āj-kal mehñdī tumhāre haath meñ

    ḳhuub hai terī himāyat ke luuTe naqd-e-dil

    ai parī duzd-hinā.ī maal maare haath meñ

    hashr meñ ham samjhe aayā yaar ke ḳhat javāb

    nāma-e-a.amāl jab aayā hamāre haath meñ

    jab kabhī dast-e-hinā.ī se katartā hai vo shoḳh

    barq ban jaate haiñ afshāñ ke sitāre haath meñ

    muñh chiḌhānā be-sabab har-dam bigaḌnā chhoḌ do

    ho agar ġhusse meñ ā.īna tumhāre haath meñ

    dast-e-sāqī jām-e-jamshedī se baḌh kar hai mujhe

    dono aalam ke maiñ kartā huuñ nazāre haath meñ

    vasl hai ik shahsavār-e-husn se shām-o-sahar

    hai inān-e-ablaq-e-gardūñ hamāre haath meñ

    fikr thī un ko ki kyūñkar kījiye āshiq ko qatl

    aa ga.ī teġh-e-adā-o-nāz baare haath meñ

    misl-e-shāḳh-e-gul lachaktī hai kalā.ī baar baar

    gajre phūloñ ke haiñ kañgan tumhāre haath meñ

    vā.e-qismat dekhne paa.eñ na ham āñkhoñ se bhī

    le ke mashshāta tire gesū sañvāre haath meñ

    kahte haiñ afshāñ ke zarre le ke peshānī se vo

    āsmāñ se ham ne ye taare utāre haath meñ

    band mahram ke vo khulvāte haiñ ham se beshtar

    āj-kal sone chiḌiyā hai hamāre haath meñ

    nabz par mujh dil-jale ke uñgliyāñ rakkheñ agar

    ai masīhā aag lag jā.egī saare haath meñ

    haath aanā ab dil-e-gum-gashta mumkin nahīñ

    chhup rahā duzd-e-hinā kar tumhāre haath meñ

    dil mirā muTThī meñ le kar mujh se kahtā hai vo shoḳh

    kyā hai ai 'nāzim' batāo to hamāre haath meñ

    le ke apni zulf ko wo pyare pyare hath mein

    kahte hain fitnon ki choTi hai hamare hath mein

    saqiya donon jahan se phir to beDa par hai

    gar bat-e-mai aae dariya ke kinare hath mein

    aashiqon ki aankh se har dam barasta hai lahu

    rang par hai aaj-kal mehndi tumhaare hath mein

    KHub hai teri himayat pa ke luTe naqd-e-dil

    ai pari duzd-hinai mal mare hath mein

    hashr mein hum samjhe aaya yar ke KHat ka jawab

    nama-e-amal jab aaya hamare hath mein

    jab kabhi dast-e-hinai se katarta hai wo shoKH

    barq ban jate hain afshan ke sitare hath mein

    munh chiDhana be-sabab har-dam bigaDna chhoD do

    ho agar ghusse mein aaina tumhaare hath mein

    dast-e-saqi jam-e-jamshedi se baDh kar hai mujhe

    dono aalam ke main karta hun nazare hath mein

    wasl hai ek shahsawar-e-husn se sham-o-sahar

    hai inan-e-ablaq-e-gardun hamare hath mein

    fikr thi un ko ki kyunkar kijiye aashiq ko qatl

    aa gai tegh-e-ada-o-naz bare hath mein

    misl-e-shaKH-e-gul lachakti hai kalai bar bar

    gajre phulon ke hain ya kangan tumhaare hath mein

    wae-qismat dekhne paen na hum aankhon se bhi

    le ke mashshata tere gesu sanware hath mein

    kahte hain afshan ke zarre le ke peshani se wo

    aasman se hum ne ye tare utare hath mein

    band mahram ke wo khulwate hain hum se beshtar

    aaj-kal sone ki chiDiya hai hamare hath mein

    nabz par mujh dil-jale ke ungliyan rakkhen agar

    ai masiha aag lag jaegi sare hath mein

    hath aana ab dil-e-gum-gashta ka mumkin nahin

    chhup raha duzd-e-hina ja kar tumhaare hath mein

    dil mera muTThi mein le kar mujh se kahta hai wo shoKH

    kya hai ai 'nazim' batao to hamare hath mein

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY