le ke dil phir na humse wo bole

le ke dil phir na ham se vo bole

apne matlab ke haiñ baḌe bhole

kyā yahī hai adā-e-kam-suḳhanī

band āñkheñ hoñ jab vo lab khole

sub.h-e-ruḳhsat savāl-e-bosa par

bole jā muñh to peshtar dhole

kitnī nā-fahm hai tirī tasvīr

sar se khele na muñh se kuchh bole

vaqt se pahle uḌ nahīñ saktā

tā.ir-e-rūh laakh par tole

chashma-e-faiz chashm-e-giryāñ se

zarre zarre ne haiñ guhar role

ḳhuub kar ulfat-e-mizha 'sultān'

ḳhuub kāñTe tū raah meñ bo le

le ke dil phir na hum se wo bole

apne matlab ke hain baDe bhole

kya yahi hai ada-e-kam-suKHani

band aankhen hon jab wo lab khole

subh-e-ruKHsat sawal-e-bosa par

bole ja munh to peshtar dhole

kitni na-fahm hai teri taswir

sar se khele na munh se kuchh bole

waqt se pahle uD nahin sakta

tair-e-ruh lakh par tole

chashma-e-faiz chashm-e-giryan se

zarre zarre ne hain guhar role

KHub kar ulfat-e-mizha 'sultan'

KHub kanTe tu rah mein bo le