aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

le liya dil ye dil-lagi kya hai

Kokab Muradabadi

le liya dil ye dil-lagi kya hai

Kokab Muradabadi

MORE BYKokab Muradabadi

    le liyā dil ye dil-lagī kyā hai

    tum rulāte ho ye hañsī kyā hai

    ishq bād-e-fanā bhī miT na sakā

    maut kyā shai hai zindagī kyā hai

    roz-o-shab haiñ itāb-o-jaur-o-sitam

    un ke altāf meñ kamī kyā hai

    ai buto ye ġhurūr sūrat par

    tum ḳhudā ban ga.e ḳhudī kyā hai

    dil-e-be-māya hai ḳhazīna-e-ġham

    muflisī meñ mujhe kamī kyā hai

    ḳhaak ko āsmāñ se kyā nisbat

    merī aur un dostī kyā hai

    nashsha-e-dīd meñ jo ho be-ḳhud

    phir use lutf-e-mai-kashī kyā hai

    chārāgar vaqf-e-chārasāzī haiñ

    ik musībat hai dostī kyā hai

    nūr-e-ulfat hai ye jalvagarī

    varna 'kaukab' meñ raushnī kyā hai

    le liya dil ye dil-lagi kya hai

    tum rulate ho ye hansi kya hai

    ishq baad-e-fana bhi miT na saka

    maut kya shai hai zindagi kya hai

    roz-o-shab hain itab-o-jaur-o-sitam

    un ke altaf mein kami kya hai

    ai buto ye ghurur surat par

    tum KHuda ban gae KHudi kya hai

    dil-e-be-maya hai KHazina-e-gham

    muflisi mein mujhe kami kya hai

    KHak ko aasman se kya nisbat

    meri aur un ki dosti kya hai

    nashsha-e-did mein jo ho be-KHud

    phir use lutf-e-mai-kashi kya hai

    chaaragar waqf-e-chaarasazi hain

    ek musibat hai dosti kya hai

    nur-e-ulfat ki hai ye jalwagari

    warna 'kaukab' mein raushni kya hai

    Source:

    Tajalliyat (Pg. 128)

      • Year of Publication: 1941
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now