le uDe gesu pareshani meri

le uḌe gesū pareshānī mirī

aa.ine le bhāge hairānī mirī

kah uThā joban ki bas bas ho chukī

nīchī nazroñ se nigahbānī mirī

baam par kah aa.e jā kar āh-e-garm

baḌh ke bijlī se hai jaulānī mirī

gesuoñ se un ke achchhī ġham kī raat

maiñ fidā us par vo dīvānī mirī

pyāre pyāre muñh se phir kah de zarā

ho mubārak tujh ko mehmānī mirī

saath mere dil bhī miTTī ho chukā

tere sadqe ḳhaak kyuuñ chhānī mirī

itnī muddat meñ bichhaḌ kar dil milā

der tak sūrat na pahchānī mirī

thak ga.e vo ruk gayā ḳhanjar 'riyāz'

ab baḌī mushkil hai āsānī mirī

le uDe gesu pareshani meri

aaine le bhage hairani meri

kah uTha joban ki bas bas ho chuki

nichi nazron se nigahbani meri

baam par kah aae ja kar aah-e-garm

baDh ke bijli se hai jaulani meri

gesuon se un ke achchhi gham ki raat

main fida us par wo diwani meri

pyare pyare munh se phir kah de zara

ho mubarak tujh ko mehmani meri

sath mere dil bhi miTTi ho chuka

tere sadqe KHak kyun chhani meri

itni muddat mein bichhaD kar dil mila

der tak surat na pahchani meri

thak gae wo ruk gaya KHanjar 'riyaz'

ab baDi mushkil hai aasani meri