legal KHauf
markazii shahr kii safed shaahraah par maut ke container rakkhe hu.e hai.n
street number ek taa ek chavaaliis
galii galii tamaam sign boards pe afsos kii tahziib tahriir hai
tez raftaar KHalaa.ii gaa.Diyaa.n
KHushk dilaaso.n kii parchiyaa.n phe.nk rahii hai.n
camera aur jadiid aslaha
fast-food point se lunch kii tasaaviir upload kar rahe hai.n
mu'azziz shahriyo.n se iltimaas hai
apne masnuu'ii chehre
gharo.n kii dahliiz se baahar na nikaale.n
shahr bhar me.n bad-‘unvaaniyo.n kii tezaabii baarish ho rahii hai
suuraj zaraa aur maddham hone do
shahr kaa aa.iin bhii
aur taa’liimii nisaab bhii tabdiil hone vaalaa hai
afsos aur KHauf ko legal kiyaa jaa rahaa hai
markazii shahr kii safed shaahraah par maut ke container rakkhe hu.e hai.n
street number ek taa ek chavaaliis
galii galii tamaam sign boards pe afsos kii tahziib tahriir hai
tez raftaar KHalaa.ii gaa.Diyaa.n
KHushk dilaaso.n kii parchiyaa.n phe.nk rahii hai.n
camera aur jadiid aslaha
fast-food point se lunch kii tasaaviir upload kar rahe hai.n
mu'azziz shahriyo.n se iltimaas hai
apne masnuu'ii chehre
gharo.n kii dahliiz se baahar na nikaale.n
shahr bhar me.n bad-‘unvaaniyo.n kii tezaabii baarish ho rahii hai
suuraj zaraa aur maddham hone do
shahr kaa aa.iin bhii
aur taa’liimii nisaab bhii tabdiil hone vaalaa hai
afsos aur KHauf ko legal kiyaa jaa rahaa hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
