liye hue jo mujhe sath sath phirta tha

liye hue jo mujhe saath saath phirtā thā

ye baat un dinoñ kī hai vo jab akelā thā

vo din ga.e ki hunar kī thī garm-bāzārī

tamāshā-gar bhī bahut mo.ajize dikhātā thā

maiñ ik zavāl ke aalam meñ ho rahā thā buland

mirā kamāl kisī aur hī tarah kā thā

maiñ muḌ ke dekhtā thā aur mere sāmne se

guzar rahā thā jo guzrā huā zamāna thā

vo ḳhālī shahr jo ḳhālī nahīñ huā thā abhī

kisī makāñ meñ abhī ek shaḳhs rahtā thā

agar kahīñ koī rasta use khulā na mile

vo aane vaale zamānoñ ko jā nikaltā thā

jo rahne vaale the mil kar akele rahte the

har ek aadmī kā apnā apnā kamra thā

liye hue jo mujhe sath sath phirta tha

ye baat un dinon ki hai wo jab akela tha

wo din gae ki hunar ki thi garm-bazari

tamasha-gar bhi bahut moajize dikhata tha

main ek zawal ke aalam mein ho raha tha buland

mera kamal kisi aur hi tarah ka tha

main muD ke dekhta tha aur mere samne se

guzar raha tha jo guzra hua zamana tha

wo KHali shahr jo KHali nahin hua tha abhi

kisi makan mein abhi ek shaKHs rahta tha

agar kahin koi rasta use khula na mile

wo aane wale zamanon ko ja nikalta tha

jo rahne wale the mil kar akele rahte the

har ek aadmi ka apna apna kamra tha