lo zoaf se ab ye haal-e-tan hai

lo zo.af se ab ye hāl-e-tan hai

saaya mutajassis-e-badan hai

yahāñ tan hī nahīñ hai lāġharī se

ham ko kyā hājat-e-kafan hai

misl-e-nik.hat haiñ jaama kaisā

apnā to badan hī pairahan hai

huuñ bulbul-e-bostān-e-tasvīr

be-ḳhauf-e-ḳhizāñ mirā chaman hai

huuñ kushta-e-teġh-e-sharm-e-jānāñ

har zaḳhm kā be-zabāñ dhan hai

lā-raib 'nasīm'-dehlavī to

ustād-e-nazākat-e-suḳhan hai

lo zoaf se ab ye haal-e-tan hai

saya mutajassis-e-badan hai

yahan tan hi nahin hai laghari se

hum ko kya hajat-e-kafan hai

misl-e-nikhat hain jama kaisa

apna to badan hi pairahan hai

hun bulbul-e-bostan-e-taswir

be-KHauf-e-KHizan mera chaman hai

hun kushta-e-tegh-e-sharm-e-jaanan

har zaKHm ka be-zaban dhan hai

la-raib 'nasim'-dehlawi to

ustad-e-nazakat-e-suKHan hai