log aae hi nahin mujhko mayassar aise

log aa.e hī nahīñ mujh ko mayassar aise

jo mujhe kahte ki aise nahīñ 'azbar' aise

jaisā maiñ huuñ mire chehre kī hañsī jaisī hai

ġhaur se dekh ki hote nahīñ joker aise

tez dauḌā ke achānak mirī rassī khīñchī

us ne samjhāyā mujhe lagtī hai Thokar aise

aañkh khulne pe jo uThtā huuñ to chakrātā huuñ

kaun detā hai mujhe ḳhvāb meñ chakkar aise

zulf aisī ke siyāh reshmī jañgal koī

nain us shaḳhs ke haiñ surma.ī marmar aise

koī to hotā jo siine se lagā kar kahtā

baat thī baat ko lete nahīñ dil par aise

kis ne sochā thā ki kamroñ meñ faqat chup hogī

kis ne sochā thā ki guzregā september aise

haa.e āḳhir meñ vahī hādisa pesh aayā 'safīr'

hameñ kahnā paḌā likkhe the muqaddar aise

log aae hi nahin mujh ko mayassar aise

jo mujhe kahte ki aise nahin 'azbar' aise

jaisa main hun mere chehre ki hansi jaisi hai

ghaur se dekh ki hote nahin joker aise

tez dauDa ke achanak meri rassi khinchi

us ne samjhaya mujhe lagti hai Thokar aise

aankh khulne pe jo uThta hun to chakraata hun

kaun deta hai mujhe KHwab mein chakkar aise

zulf aisi ke siyah reshmi jangal koi

nain us shaKHs ke hain surmai marmar aise

koi to hota jo sine se laga kar kahta

baat thi baat ko lete nahin dil par aise

kis ne socha tha ki kamron mein faqat chup hogi

kis ne socha tha ki guzrega september aise

hae aaKHir mein wahi hadisa pesh aaya 'safir'

hamein kahna paDa likkhe the muqaddar aise