log jis shaKHs ko sardar bana dete hain

log jis shaḳhs ko sardār banā dete haiñ

apnī taqdīr kā muḳhtār banā dete haiñ

sher kā rishta kisī fikr se ho yā nahīñ ho

chand alfāz ise shahkār banā dete haiñ

tajarbe par hai na.e ilm kī buniyād sadā

dā.era dekh ke parkār banā dete haiñ

sāhab-e-kun-fayakūñ mere bhī siine meñ utaar

lafz jo aag ko gulzār banā dete haiñ

itnā āsāñ nahīñ ye ishq dobāra banñā

aap kahte haiñ to sarkār banā dete haiñ

hamī miTTī haiñ hamī chaak hamī kūza-gar

aap ko jo bhī hai darkār banā dete haiñ

apne darvāze pe 'fā.ez' hai shab-o-roz hujūm

ham haiñ vo log jo kirdār banā dete haiñ

log jis shaKHs ko sardar bana dete hain

apni taqdir ka muKHtar bana dete hain

sher ka rishta kisi fikr se ho ya nahin ho

chand alfaz ise shahkar bana dete hain

tajarbe par hai nae ilm ki buniyaad sada

daera dekh ke parkar bana dete hain

sahab-e-kun-fayakun mere bhi sine mein utar

lafz jo aag ko gulzar bana dete hain

itna aasan nahin ye ishq dobara banna

aap kahte hain to sarkar bana dete hain

hami miTTi hain hami chaak hami kuza-gar

aap ko jo bhi hai darkar bana dete hain

apne darwaze pe 'faez' hai shab-o-roz hujum

hum hain wo log jo kirdar bana dete hain